مدونة

الثورة العربية

للكاتب

أشرف عمار

إن كل الرجعيين نمور من ورق . إنهم ، في المظهر ، مخيفون ، و لكن قوتهم ، في الواقع ، ليست رهيبة بهذا المقدار . و إذا استرشدنا بوجهة نظر المستقبل ، فالقوة القادرة حقا ليست ملك الرجعيين بل هي تكمن في الشعب . ففي روسيا ، قبل ثورة شباط ( فبراير ) 1917 ، أية جهة كانت قوية حقا في داخل البلاد الروسية ؟ ظاهريا ، كان القيصر قويا في ذلك الوقت ، و لكنه تداعى أمام قصفة واحدة من عاصفة ثورة شباط ( فبراير ) . و في آخر الأمر ، كانت قوة روسيا في جانب سوفيات العمال و الفلاحين و الجنود ، و لم يكن القيصر إلا نمرا من ورق .

ماو تسي تونغ

سايق عليك النبي ما تقول كده كفاية

إفرح وكمل وما تقولشى كده كفاية
الثورة دى بداية

 زى الهجرة والميلاد
الثورة دى بسملة

 كمل بقى الآية
مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
عن ناس يباتوا حفايا يصبحوا أسياد

تميم البرغوتى

" الموضوع مش إسلام وإلحاد، الموضوع حقوق الناس.. حقوق المسلمين، بيحولوا القضية ويقولوا القضية إسلام وإلحاد، وقضايا روحية وقضايا مادية، هجص.. حتهجصوا على مين؟! الناس عقلت، الناس بتفهم، الناس النهارده مش بهايم، الناس النهارده مفكرين، الشعب العربى فى كل بلد عربى ثار، ونجحت الثورة.. نجحت الثورة هنا فى مصر بأننا خلصنا من الاحتلال، وخلصنا من الاستعمار، وخلصنا من الإقطاع.. ومن رأس المال والاستعباد. بتيجوا تقولوا لنا إن القضية قضية إسلام وإلحاد، بنقول لكم أنتم الملحدين، أنتم اللى سفيتم أموال الناس ونهبتم أموال الناس، وربيتم دقونقكم وبتتمسحوا بالإسلام، والشعب لا يمكن بأى حال من الأحوال إنه ينضحك عليه، الإسلام هو العدل، الإسلام ان احنا ندى أموال المسلمين للمسلمين مش ننهب أموال المسلمين. بتقولوا إلحاد باقول لكم أنتم الملحدين؛ لأنكم أنتم النصابين ولأنكم أنتم السفافين، ولأنكم أنتم النهابين، ولأنكم أنتم اللى اغتصبتم حقوق المسلمين.. الرجعية اغتصبت حقوق المسلمين، وييجوا النهارده يقولوا مبادئ روحية وإلحاد، بنقول الكلام دا تقولوه على مين؟!

الشعب العربى فى كل بلد عربى شعب ثائر، شعب جرجر فى الشوارع نورى السعيد، وجرجر الملك فيصل.....اتجرجر الملك فيصل واتجرجر نورى السعيد واتجرجر الأمير عبد الإله.. ليه؟ لأنه شعب ثائر شاف مين اللى نهبوا أموال المسلمين، ومين اللى نهبوا أموال العرب، مين عملاء الاستعمار، مين اللى باعوه للاستعمار، مين اللى راحوا قايضوا عليه، وفضل ساكت ساكت حتى وجد الفرصة، حتى جا اليوم الموعود، وخرج فى الشوارع ينتف الدقون، ويموت ويدبح. طبعاً الرجعية النهارده فى معركتها لن تنجو من ثورة الشعب، إذا كانوا متصورين النهارده إن فيه نكسة للحركات الثورية باقول لهم والله واهمين.. الثورة العربية ماشية، ثورة عربية تهدف إلى العدل والحرية والمساواة، ثورة عربية قايم بها المسلمين وغير المسلمين فى العالم العربى، ولكن كل واحد فيهم يعلم أن دينه يمنعه من اغتصاب أموال المسلمين، وسلب أموال المسلمين، بل يعلم أن دينه يدعوه إلى المساواة وتكافؤ الفرص "

جمال عبد الناصر